BusinessGO жобасы «Атамекен» ҰКП тарапынан бизнестің негізгі сервистерін бір шешімге біріктіру үшін құрылған.

Миссия — Қазақстандағы кәсіпкерлік мәдениетін өзгерту: бизнестің жабылу деңгейін төмендету, адал жұмыс көлеңкелі қызметтен тиімдірек болатын жаңа бизнес жүргізу моделін қалыптастыру және әр кәсіпкерге тұрақты, табысты әрі заманауи бизнес құруға көмектесу.

Бүгінде мыңдаған кәсіпкер айыппұлдар, есептің жоқтығы, бытыраңқы цифрлық сервистер және сатып алушылармен жұмыстың жеткіліксіздігі салдарынан ақша жоғалтады. BusinessGO қажетті құралдарды бірыңғай экожүйеге біріктіріп, кәсіпкерлерге процестерді автоматтандыруға, заңнамаға сай жұмыс істеуге, клиенттерді ұстап қалуға, сатылымды арттыруға және деректер негізінде шешім қабылдауға көмектеседі.

BusinessGO бөлшек бизнестің үйреншікті моделін өзгертеді. «Арзанға алдым — қымбатқа саттым» қағидасының орнына кәсіпкер сатып алушылармен ұзақ мерзімді қатынас құруға, заманауи маркетинг құралдарын (Amian Business) пайдалануға, сатылымды талдауға және технологиялар мен жасанды интеллект негізінде бизнесті дамытуға мүмкіндік алады.